鴻仔記車仔麵 (屏欣商場)

營業中

休息中

話晒車仔麵都係香港嘅特色美食之一，平時我都鍾意周圍試吓唔同鋪頭嘅車仔麵，平時經過都見佢鋪頭多人食，今日一於嚟試吓。鋪頭入邊都算乾淨座位唔會太逼夾，最特別嘅係入面有一部夾公仔機。佢性價比都幾高， $38有四個餸一面。佢有好多唔同餸選擇，竟然連花膠都有。所以我叫咗花膠，腐皮蝦卷同埋滷水雞翼。另外佢有自家製嘅辣汁同埋辣菜莆，落咗少少個湯都昇華咗，個花膠都好厚身，吸埋啲湯汁辣得好過癮。另外佢仲有啲特色小食好似炸鵝肝同柚子雞翼，個雞翼炸得好香脆仲有淡淡的柚子味。整體黎講味道唔錯，有機會諗住試吓佢其他唔同嘅餸