影片
更多
2021-04-20
504 瀏覽
早排試咗某米線店嘅脆肉鯇，味道同口感都幾唔錯，對魚肉興趣唔算好大嘅我開始覺得可以試多啲魚嘅菜式。搵搵下先發現平日經過嘅地方原來有食酸菜魚嘅餐廳，隱藏係香工嘅地庫，地方幾闊落，感覺唔係太多人知道，日後食飯又多個選擇。招牌二人餐 $318套餐可自選三款菜式同一款甜品，今次揀咗必食酸菜魚、蔥爆牛肉、紅油蒜蓉黃瓜同黑糖糍粑，套餐額外包括兩碗白飯。每道菜都可自選辣度，店員亦會提供建議，值得一讚。先講主食，必食酸菜魚份量足料，二人享用絕對綽綽有餘。每塊魚肉彈滑軟嫩，酸度適中，配上小辣程度嘅調味，更顯鹹香。底層更藏有煙韌寬粉，吸收湯底精華後幾開胃。蔥爆牛肉絕對係驚喜小菜，每塊牛肉質感鬆軟，唔會過韌。加上以大量洋蔥同辣椒同炒，鑊氣十足，餸飯更係一流。雖然油份有點多，但勝在味道夠地道。紅油蒜蓉黃瓜作為涼拌小菜，的確幾有解膩開胃感。黃瓜口感爽脆，辣油香氣尚可，不過略嫌味道清淡咗少許。黑糖糍粑面層鋪上薄薄一層黃豆粉，外層炸至微脆，內裡充滿糯米綿軟煙韌感。蘸取黑糖醬汁，令味道清淡嘅糍粑倍添蜜味。飲品方面分別以$8加購低糖豆漿同石斛竹蔗茅根水，兩款飲品味道都唔錯，甜度剛剛好，成份亦較健康。
招牌二人餐 $318
套餐可自選三款菜式同一款甜品，今次揀咗必食酸菜魚、蔥爆牛肉、紅油蒜蓉黃瓜同黑糖糍粑，套餐額外包括兩碗白飯。每道菜都可自選辣度，店員亦會提供建議，值得一讚。
先講主食，必食酸菜魚份量足料，二人享用絕對綽綽有餘。
每塊魚肉彈滑軟嫩，酸度適中，配上小辣程度嘅調味，更顯鹹香。
底層更藏有煙韌寬粉，吸收湯底精華後幾開胃。
蔥爆牛肉絕對係驚喜小菜，每塊牛肉質感鬆軟，唔會過韌。加上以大量洋蔥同辣椒同炒，鑊氣十足，餸飯更係一流。雖然油份有點多，但勝在味道夠地道。
紅油蒜蓉黃瓜作為涼拌小菜，的確幾有解膩開胃感。黃瓜口感爽脆，辣油香氣尚可，不過略嫌味道清淡咗少許。
黑糖糍粑面層鋪上薄薄一層黃豆粉，外層炸至微脆，內裡充滿糯米綿軟煙韌感。
蘸取黑糖醬汁，令味道清淡嘅糍粑倍添蜜味。
飲品方面分別以$8加購低糖豆漿同石斛竹蔗茅根水，兩款飲品味道都唔錯，甜度剛剛好，成份亦較健康。
張貼
