御鐵

營業中

休息中

朋友最愛食鐵板燒，近排佢轉工，book左好西同佢食，輕鬆下。餐廳位於銅鑼灣，出左地鐵行兩分中就到，十分方便。可以一邊食一邊望住師傅用心製作每道食物🤩，十分滿足。西柚蝦沙律沙律菜新鮮爽脆，西柚酸甜開胃。蝦爽口彈牙。活龍蝦黎自澳洲既花龍蝦，師傅一路燒一路表演拆肉，透過鐵板均勻煎製，肉質緊實有嚼勁。加以龍蝦蝦膏醬汁同埋牛油調味，食到我地舔舔脷。活南非鮑魚鮑魚入口軟嫩彈牙，配上海苔醬汁，鮮美可口。最後先品嘗鮑魚肝，味道更為鮮味濃郁。和牛薄燒和牛有著霜降般既油花分怖，軟嫩又多汁，牛味濃郁，捲住大量青䓤，膩感減低。香煎牛舌牛肉味夠晒濃郁，師傅簡單調味，味道恰到好處。日式炒雜菜看似平平無奇既炒野菜口感爽脆，加左牛油所以十分香口惹味。日高昆布蜆湯昆布加左蜆肉令鮮味大大提升，具層次感！海膽海鮮炒飯或烏冬日式炒飯粒粒分明，不黏糊之餘仲要夠鑊氣！師傅充分展現功架，加入蛋醬、香蔥等炒成，啖啖都充滿蛋香，最後仲加上我最愛既海膽😍😍！烏冬炒得好乾爽，口感爽口彈牙，比起炒飯我同朋友更喜愛炒烏冬。精選甜品多士煎到好香脆，雪糕球有曲奇或豆腐口味，超級滿足。