18樓雞煲火鍋專門店

營業中

休息中

呢間雞煲店位於創興廣場18樓全層，日日座無虛席😝，一定要預先訂位先得。舖頭裝修係以懷舊風格為主，有好多霓虹燈佈置同埋茶餐廳卡位設計。 雞煲火鍋放題限時兩個鐘，有三個套餐選擇，今次就點咗最經濟嘅套餐，208蚊1位，夜晚嚟講真係非常之實惠👍。 坐低首先就係揀雞煲嘅辣度， 雞煲醬汁好夠味，而且雞件份量唔少，肉質新鮮嫩滑，另外加咗辣椒同埋芫茜一齊炒，令到成個煲更加香噴噴🥰。 食完雞煲之後可以自己加入高湯，每張枱都有一大支已經裝滿咗嘅高湯，按照店員建議加入兩吋嘅高湯作為打邊爐嘅湯底，味道就最適中😉。 邊爐配料方面有非常多選擇，除咗豬牛羊雞之外，仲有唔少海鮮、蔬菜同丸類，應有盡有。 除咗蔬菜係喺自助區雪櫃自己攞之外，其他配料全部都係透過QR code落單，非常方便。牛肉片好新鮮，味道濃郁。特別欣賞佢嘅花膠，好大舊，成件花膠扒咁樣，一定要試下👍。另外蝦都非常之新鮮彈牙🦐。 仲有熟食小食，香酥肉鬆軟惹味，都一定要試一試~飲品方面亦都有好多選擇，推介自家製嘅冷泡茶🥰，另外仲有唔少罐裝同埋包裝飲品。