梨泰院 (瓏山1號) (已結業)

呢日放假，就同朋友入左粉嶺到行下，我地好耐冇食韓國菜，見到一間望落幾新既韓國餐廳，就入左去食dinner。呢度既野食都唔算貴，亦都有唔少選擇，黎食韓國菜當然要點炸雞啦，我地點左個蜂蜜柚子炸雞，甜甜辣辣咁，好惹味。炸雞既外層有好多醬汁，入面既肉都幾嫩滑。另外，亦都點左個海鮮煎餅，煎餅薄薄地，唔會太油，唔錯！最後，仲有點左炸五花肉，呢道菜既份量好多，五花肉肥瘦一半一半，勁惹味！飲品方面，點左男神梳打同埋女神梳打，又靚又消暑。