好吃韓國料理

營業中

休息中

疫情下在家工作的日子，每逢午飯時間，都想走出嚟鬆下，今日行到山東街女人街口，找找有什麼好食，係OpenRice看看，第一間彈出嚟就係呢間，「好吃韓國料理」，行幾步就搵到，未到十二點，人比較少，入去隨便坐下。第一次，當然選擇有誠意推介標誌啦。人參雞湯好？抑或雪濃牛骨湯好呢？都係試吓牛。套餐包前菜、湯、白飯、熱飲。牛骨湯份量足夠，4塊鬆軟牛骨肉，骨肉仍完整及容易分離。有很入味嘅蘿蔔，仲有粉絲。湯味似是牛骨濃湯開，但夠味道和濃郁。前菜嘅泡菜口感幾好，酸辣適中，仲有大豆芽菜，啱我口味。不用廿分鐘就全部清晒。叫了餐飲咖啡，沒有大期望。到了十二點半，開始多人，都係早點離開，應該會再來試試其他，人參雞湯吧。