胡爐 (已結業)

好耐之前以經聽講過胡爐呢間火鍋店做開單點火鍋，啲野食同環境都唔錯，依加仲推出埋半自助火鍋，所以就約埋朋友一齊食。入到去，就見到成間鋪個設計有中式風格，坐落都舒服。我同朋友就叫左個人參雞鍋。成個鍋用料好足，啲雞都係新鮮靚雞，聞落都覺得正。個半自助餐本身包埋海鮮拼盤、手工丸餃拼盤同埋胡爐拼盤。佢地既手工丸餃每款都好好味😋海鮮全部都好鮮甜，牛肉同豬肉亦相當高質。我同朋友另外亦叫左牛柏葉，魚片頭，魷魚鬚，同埋豆腐，呢幾款食材都唔錯。鋪頭亦送左蟹比我地，但實在太飽，所以無食晒。雖然係半自助式火鍋，但佢地食物同服務都保持到咁高質素，都幾難得。