浪人日本料理 (已結業)

晚飯時間响中環，想食日本嘢，但係又想避開大集團嘅餐廳，於是search下openrice就決定嚟浪人日本料理。 去親日本餐廳我一定會叫軟殼蟹卷。呢度啲軟殼蟹卷都唔錯，軟殼蟹仲脆，而且飯粒軟同埋握得夠實，唔會一夾就散。 串燒（牛脷，和牛肋條，和牛五花，和牛小排）叫咗啲串燒送酒。當晚餐廳都幾多人，所以啲串燒都等咗一陣。上檯果刻，啲串燒係熱辣辣嘅，應該係即燒，唔係燒定再慶返暖俾你。個人覺得和牛肋條同和牛五花較為突出，食落口好香口，好重牛油味和牛壽喜燒齋食小食邊會飽，今晚做食肉獸叫埋壽喜燒。上檯再點火幫你坐暖果鍋，啲牛肉正常啦，反而個汁幾好，唔太鹹。清酒煮蜆清酒煮蜆又係用鍋上，再點火慶住個鍋。清酒經過煮熱後味道更加香濃，蜆肉鮮美。如果係用唔靚嘅蜆，係好易食得出。呢度呢樣嘢食有中上水準！火炙生牛肉牛肉表面火炙後切片入口，食唔到好生嘅肉味，唔鍾意食生肉嘅朋友都可以試下法式燉蛋食得太飽，叫咗一個甜品share，晚餐要有甜品先滿足！