影片
更多
2024-04-05
12 瀏覽
放假想食好啲，同老婆去左尖沙咀揾飯食，行過海防道見到間omakase 唔使一千每位，就膽粗粗上去問下有冇位，好彩閒日咁啱仲有兩個位，真係好彩。店鋪圍住師傅只有十幾個座位，空間感好好，夠哂寬敞坐得好舒服，睇完餐牌我哋揀左十八道菜既櫻，每位都係798。首先係三款前菜，師傅每首菜都有講解，分別係糖醋車厘茄，食落甜味十足帶點微酸，然後有慢煮南瓜，豐富南瓜甜味配上木魚味，皮都煮得好軟冧，最後係磯煮螺，慢煮兩至三個小時，螺肉既鮮甜，口感又軟冧，食到淡淡醬油味。前菜之後係五道刺身，先出場係石垣鯛，魚肉微微油份，充滿白身魚清香，師傅落少少柚子汁，相當開胃。墨魚刺身口感好爽身，味道清甜，經過師傅既刀功後一咬就開。估唔到會食到鯖魚既刺身，魚肉火炙後魚皮香口，魚肉油份高，入口即融，魚油係口到爆開，真係惹味。之後赤鯥刺身都經過火炙處理，仲加左山葵平衡，食到濃濃魚油外，魚肉都相當鮮嫩。最後既刺身係華漣生蠔，師傅加左少有既梅酒啫喱，味道微酸甜，同鮮甜既蠔味相映生輝。金鯛立鱗燒，師傅介紹金鯛比其他鯛無咁重油份，用油温190到200度既油炸魚鱗，炸到魚鱗香脆，魚油依然豐富，配上海膽醬，唔會搶走魚味又可提鮮，一塊魚肉兩
店鋪圍住師傅只有十幾個座位，空間感好好，夠哂寬敞坐得好舒服，睇完餐牌我哋揀左十八道菜既櫻，每位都係798。
首先係三款前菜，師傅每首菜都有講解，分別係糖醋車厘茄，食落甜味十足帶點微酸，然後有慢煮南瓜，豐富南瓜甜味配上木魚味，皮都煮得好軟冧，最後係磯煮螺，慢煮兩至三個小時，螺肉既鮮甜，口感又軟冧，食到淡淡醬油味。
前菜之後係五道刺身，先出場係石垣鯛，魚肉微微油份，充滿白身魚清香，師傅落少少柚子汁，相當開胃。
墨魚刺身口感好爽身，味道清甜，經過師傅既刀功後一咬就開。
估唔到會食到鯖魚既刺身，魚肉火炙後魚皮香口，魚肉油份高，入口即融，魚油係口到爆開，真係惹味。
之後赤鯥刺身都經過火炙處理，仲加左山葵平衡，食到濃濃魚油外，魚肉都相當鮮嫩。
最後既刺身係華漣生蠔，師傅加左少有既梅酒啫喱，味道微酸甜，同鮮甜既蠔味相映生輝。
金鯛立鱗燒，師傅介紹金鯛比其他鯛無咁重油份，用油温190到200度既油炸魚鱗，炸到魚鱗香脆，魚油依然豐富，配上海膽醬，唔會搶走魚味又可提鮮，一塊魚肉兩種口感，真係一絕。
壽司環節首先登場既係深海池魚，經過兩日熟成，魚質爽身左，油份濃縮左。
北海道帆立貝大大粒，加上柚子皮，配赤醋飯更鮮甜。
牧丹蝦來自北海道，比其他產地體積更大，更鮮甜，加上日本烏魚子少少咸香，甜度更高。
赤身以傳統做法醬油漬，口感更添棉滑感 。
大拖羅取自和歌山野生吞拿魚，選用蛇腹位，更肥美更多筋位，師傅用刀切斷筋位，入口咬幾下慢慢溶化，魚油味滲出來。
海膽海苔卷，選用日本皇室御用海苔，脆度係平時海苔既兩倍，而且有淡淡炭香，食落海苔濃烈既味道爆出來，赤海膽甜味反而變成配角。
江户前玉子，沿用三百年前造法，只以蝦肉魚肉雞蛋糖四種材料，外表似蛋糕，食落濃烈蛋香，口感鬆軟。
鯛魚清湯，一掀開蓋見到湯汁奶白色，成碗不見一塊魚肉，但飲落濃濃魚味。
成餐飯以手製紅豆餅配雪米糍作結，食完咁多道菜式，生理同心理都相當滿足，師傅精湛既技術，同每道菜用心既講解，都係一個好舒服既體驗。
張貼
