麵屋豚豚拍子 x 辛味屋 (已結業)

適逢放假日子，午市時份走到屋企樓下附近的新都城2期食飯，今次試下食《麵屋豚豚拍子》，午市的選擇都很多，有拉麵、定食、咖喱飯、壽喜燒鍋等……價錢由五十幾元起，都好抵食妹妹選擇了午市自選拉麵套餐$69的《泡菜拉麵》，選擇了扎幌的味噌湯底配粗麵，配搭小食北海道南瓜炸薯餅，叉燒都大大塊，湯底濃郁，粗麵的口感煙韌，炸南瓜餅外脆內軟，蘸沙律醬更是滑溜我就想食火鍋，選擇壽喜燒鍋午市定食，豚肉辛味屋鍋定食$65，有娃娃菜、紅蘿蔔、金菇、豆腐、豚肉等，配料仲有碟辣味泡菜及烏冬，湯底鰹魚湯，味道帶點香甜，湯底滾起後，豚肉都好快熟透，烏冬端上來時已經煮熟，滑溜煙韌，餐飲另加$3要熱奶茶，奶茶是捷榮，茶味一般，有點晤夠熱服務方面個別的店員的招呼都好細心，斟茶收碟都做足，環境都好舒適，有沙發位 ，整體食物水準不錯，都抵食