新寶牛雜粉麵專家

營業中

休息中

前1日行過見到呢間新寶粉麵店新開張，睇返資料應該係搬鋪，門口見到個好抵食既抗疫餐牌，12點前落單$40有麵有菜有野飲，今日一於就黎試試啦。入去坐底環境都乾淨企理，坐位都算坐得幾舒服，睇返餐牌除左d潮式牛雜湯粉麵之外仲有飯類，豬排雞排果d都有，款式都算幾多，價錢同1般茶餐廳差唔多。抗疫餐開始啦，分別叫左碗牛腩河，牛什拼牛筋河（雙拼加9蚊），油菜要通菜同芥蘭。先講講牛腩，唔識睇係咩腩但一定唔係坑腩，切得都幾靚但同事話比較瘦有d韌，我果碗牛什算正常，無咩特別，牛筋相對唔錯，淋得黎有咬口，但河粉就真係扣分位，碎濕濕夾唔到，要用匙羹黎食。湯底味精都幾重，跟餐油菜都有d份量，40蚊黎講係抵食的，相對返環境同價錢性價比係高既。