影片
更多
2018-01-29
1609 瀏覽
星期日係荃灣搵食，搵到呢間星期日下午都有2人餐，望落餐牌都幾多嘢食，所以入咗黎試下。叫咗個2人餐C，本身一坐底就有一小碟前菜送嘅，每檯都唔同，而我哋呢檯，係陳醋木耳。醋味唔會好濃或太酸，有紅椒仔辣椒仔調味，唔辣但夠惹味。C餐入面有4個餸，首先係糖醋皮蛋、黃金包、豆丸肉湯同蒜茸炒荷蘭豆糖醋皮蛋粒粒都好大舊，表面輕輕炸過，加上糖醋汁酸酸甜甜，入面皮蛋白位好彈牙，皮蛋黃有少少溏心嘅感覺，好食。之後上檯嘅係黃金包，個包炸到好鬆化香口，再配埋呢個好似上海菜嘅炒肉絲好似食中式漢堡包咁，幾有趣，唯一就係炒肉絲唔算太熱。接住就係豆丸肉湯，豆丸其實係豆腐同豬肉丸Mix 埋一齊，入面有D 菜甫咁，另外仲有些少排骨，個湯偏油偏咸，唔算係最好食。之後就係蒜茸炒荷蘭豆，係好普通，但荷蘭豆好爽口，唔錯。之後主食方面叫咗個菜包飯，都好大盅。雖然睇唔出點樣菜包飯，但個飯底好似荷葉飯咁咸咸地都幾香又夠熱，都唔錯。但敗筆之處係之前已經食咗4大碟餸，根本食唔落咁大盅飯。最後甜品方面叫咗個蓮子銀耳湯，明明張單係寫熱嘅，上檯時已經係唔知邊到放到涼晒。負分。其實整體野食味道係好食，甚至連上檯嘅菊花菜都好香。而且價錢方面仲好抵食，
叫咗個2人餐C，本身一坐底就有一小碟前菜送嘅，每檯都唔同，而我哋呢檯，係陳醋木耳。
黑醋木耳
19 瀏覽
0 讚好
0 留言
C餐入面有4個餸，首先係糖醋皮蛋、黃金包、豆丸肉湯同蒜茸炒荷蘭豆
糖醋皮蛋
27 瀏覽
0 讚好
0 留言
黃金包
12 瀏覽
0 讚好
0 留言
接住就係豆丸肉湯，豆丸其實係豆腐同豬肉丸Mix 埋一齊，入面有D 菜甫咁，另外仲有些少排骨，個湯偏油偏咸，唔算係最好食。
蒜茸炒荷蘭豆
20 瀏覽
0 讚好
0 留言
菜包飯
29 瀏覽
0 讚好
0 留言
連子銀耳湯
21 瀏覽
0 讚好
0 留言
最後甜品方面叫咗個蓮子銀耳湯，明明張單係寫熱嘅，上檯時已經係唔知邊到放到涼晒。負分。
其實整體野食味道係好食，甚至連上檯嘅菊花菜都好香。而且價錢方面仲好抵食，2個人二人餐198蚊無加一無茶芥，仲有優惠劵，真係唔錯。但食物真係唔係好夠熱，甚至到最後個甜品係凍嘅，真係唔該餐廳留意返呢方面嘅問題。
本身都想畀哈哈笑，但只能降級做OK, 希望餐廳再改善一下，我再畀笑笑佢啦。
張貼
