唐記包點 (荷里活廣場)

營業中

休息中

轉眼又來到星期五，午餐時間唔想食得太飽，想簡簡單單搵個抵食嘅午餐，於是就諗到去唐記包點買外賣。星期五嘅特價蒸飯，係梅菜蒸肉餅飯，每盒$20 ，有飯有菜有肉，的確10分抵食。而且份量好大，肉餅都有一大件，呢個價錢真係平絕鑽石山。今次發現糖機有新產品，就係阿華田流心包，正在做推廣，每個$5 ，見咁抵食就買咗一個試吓，留心好滑，有濃郁的阿華田味，幸好唔太甜，係非常之好嘅飯後甜品。既然去到唐記，就順便買多幾個包點，今早第二日嘅早餐，有菜肉包、叉燒包、黑芝麻包、馬拉糕、蔥花卷，買咗成袋夠一家人食，都只係$100鬆啲，又有早餐又有午餐真係好抵食。