海皇粥店 (駱克道)

營業中

休息中

一直都抗拒食粥，不過近排感冒剛好，口淡淡，反而想搵啖粥食。行過修頓附近，記得好似有間海皇，於是就決定去食啦。入到去人唔多，睇餐牌先知海皇多左好多野食，唔剩只係粥。另外，原來晚上 8:30 後，海皇有三十蚊樓下的餐。我揀了個粥 + 小食那個 (細皮蛋瘦肉粥 + 炒麵 + 豬肉燒賣一粒 + 煎韮菜鍋貼一隻)，唔好睇佢好似好小型咁，但其實夾埋份量唔小的，所以都夠飽。個粥夠熱又足料，炒麵炒得乾身唔太油。鍋貼層皮煎得外脆內軟，肉餡也夠多，唔會鬼鬼鼠鼠得少少。一個餐有四樣食物，三十蚊樓下，去邊度搵。