板長壽司 (東角Laforet) (已結業)

今日下晏冇咩做，想去食壽司，同老公嚟板長壽司撐檯腳。去到都唔使等位。環境一般啦，裏面喺好窄嘅長條形，都幾逼下。衛生唔算好乾淨，過得去咁喇，服務都過得去，唔喺高檔壽司店，喺甘上下。花之戀整得好靚，三文魚做花，蟹仔鋪面，三文魚鮮味滑口，蟹仔彈牙，成舊入口感覺好正。燒原條鰻魚都幾大條，燒嘅時間啱啱好，肉質嫩滑彈牙，香濃可口。原只鮑魚肉質鮮嫩彈牙，不會太難咬開，鮑魚殼裏面喺壽司飯，鮑魚響上面，飯吸收鮑魚嘅鮮味，好正。香芒蟹仔沙律份量好細，不過甘嘅價錢喺甘上下咯，芒果同青菜都好鮮甜，蟹仔都幾新鮮。海膽好鮮甜入口即化，甘香可口，唔會好腥。不過海膽就唔大。北海道牛乳布丁細細個做得非常好，先唔講味道，單睇外面夠曬滑，真喺冇可挑剔。入口香滑到我都唔識點形容好咯，牛乳好濃郁。食完一個真喺想食多個。呢個真的值得推介。三文魚好大舊，肉質鮮美可口，口感細膩。北極貝鮮滑爽口，加D醬汁口感更佳。