影片
更多
2017-01-13
3834 瀏覽
每到星期五都會放低2個大女同老公出街覓食，今日想食清淡少少就上黎search下有咩好食，比我搵到寶蓮素食仲要有任食Tim,咁就一於黎試下。黎到時大約7點半，都差不多全滿。一坐低就見到有份餐牌係for任食嘅，是日星期五就98蚊一位大人。餐廳就比較細間，我記得好多年前我細細個時成日跟屋企人到寶蓮食，但記憶中佢以前係一間好大嘅舖黎，可能搬左舖。我聽返老闆講呢度係197x年開到依家，果然歷史悠久。先講返食物：粟米粥：十分好味，因為有香菇粉所以超香菇味，但唯一就唔夠熱。西蘭花炒帶子：上菜時係十分熱，應該係即炒嘅，素帶子係好似蒟蒻咁嘅野整成嘅，雖然唔係話十分似帶子但口感都幾得意，整體炒得幾好味。芋頭魚：我相信依家好少店舖係自家整嘅芋頭魚，我都好想食返好似芋角面咁嘅脆面，所以呢間係現成嘅我都明白，但就都係唔夠熱，只係暖。椒鹽豆腐：剛炸起嘅豆腐十分香口，但唯一係佢嘅椒鹽唔平均，有幾舊完全冇味有幾舊十分咸。齋滷味：食得齋當然要食呢樣，味道同我細細個時食嘅一樣，每款嘅味道都剛剛好。枝竹油𩺬：油𩺬係用冬菇上粉炸香，再用豆豉加枝竹炒香，食落口感又真係幾似油𩺬，但又唔會話太多炸粉，剛剛好，冬菇亦好香。我都食左好
先講返食物：
粟米粥：十分好味，因為有香菇粉所以超香菇味，但唯一就唔夠熱。
西蘭花炒帶子：上菜時係十分熱，應該係即炒嘅，素帶子係好似蒟蒻咁嘅野整成嘅，雖然唔係話十分似帶子但口感都幾得意，整體炒得幾好味。
芋頭魚：我相信依家好少店舖係自家整嘅芋頭魚，我都好想食返好似芋角面咁嘅脆面，所以呢間係現成嘅我都明白，但就都係唔夠熱，只係暖。
椒鹽豆腐：剛炸起嘅豆腐十分香口，但唯一係佢嘅椒鹽唔平均，有幾舊完全冇味有幾舊十分咸。
齋滷味：食得齋當然要食呢樣，味道同我細細個時食嘅一樣，每款嘅味道都剛剛好。
枝竹油𩺬：油𩺬係用冬菇上粉炸香，再用豆豉加枝竹炒香，食落口感又真係幾似油𩺬，但又唔會話太多炸粉，剛剛好，冬菇亦好香。我都食左好多件。
雜果沙律：其實即係平時係茶餐廳配炸雞脾個種沙律，所以味道都係冇咩特別。
炸蜜瓜奶：細細粒，好香蜜瓜味，好正！但唯一都係唔夠熱。
豆漿：唔太甜，豆味都夠。
每份食物嘅大小剛好，唔會太大碟咁就可以試多幾款。
係食梗嘅期間老闆會間唔中拎一d小點心出黎免費比任食嘅人食，我食左1個鐘左右，佢派左3次，1次係素餃，一次係芋角，一次係海鮮捲，我只食左個素餃，係新鮮蒸好嘅，十分熱辣辣，入面有小唐菜同沙葛，味道不錯，一碟有2隻。
我見到呢度有好多評語話服務態度差，但眼見又唔係話太差，只可以話好多客人但太少樓面，所以佢地都好忙，有幾個都幾好態度嘅。
粟米粥
54 瀏覽
0 讚好
0 留言
西蘭花炒帶子
65 瀏覽
0 讚好
0 留言
芋頭魚
62 瀏覽
0 讚好
0 留言
椒鹽豆腐
66 瀏覽
0 讚好
0 留言
齋滷味
59 瀏覽
0 讚好
0 留言
枝竹炆油𩺬
86 瀏覽
0 讚好
0 留言
雜果沙律
58 瀏覽
0 讚好
0 留言
炸蜜瓜奶
64 瀏覽
0 讚好
0 留言
豆漿
57 瀏覽
0 讚好
0 留言
張貼
