燒烤堂

營業中

休息中

抵食燒烤堂 ，終於係荃灣食到高質串燒喇！調味做得好好，食到串燒嘅風味，又唔會搶哂食材本身嘅味道😋而家買啤酒都要買一送一，緊係要啤啤佢🤣新分店座位寬敞，環境舒適食物種類好多，必點佢地和牛！鹽燒A4宮崎和牛非常肥美，入口即溶其他牛串燒，鹽燒和牛牛小排、汁燒橫隔理肌嘅和牛肥瘦比例岩岩好😋油脂都係燒香左嘅，唔會覺得好油～雞皮墨魚滑第一次食，口感同味道都好特別😋墨魚滑咬落彈彈下，而表層係包左層薄薄酥脆嘅雞皮，食落好有層次😍🔸蟹膏燒飯團 🍙有好多蟹膏，飯團燒左之後仲好脆口，好正！川燒蒜蓉茄子有超多蒜蓉，正~除左大廳之外，原來呢到仲有幾間房仔，我估多人嘅飯就可以包房😋