Jingle's Oyster + Grill (已結業)

此店前身是利強記雞蛋仔開的餐廳，再前身是藍山，這兩店價錢較相宜及格局平民化，因此這個Jingle's 開張後，就咁睇門面咁高級，之前又試過在門口"係咁二"望過個餐牌，價錢驟眼睇都三位數字，所以經過門口多次都唔敢幫襯。但某晚又要出外搵食，又再鼓起勇氣睇清楚個餐牌，見到有$88的Set dinner，覺得可以接受到個價錢，就入去試下。$88 的是牛扒，記得如叫羊是$98，叫了牛，5成熟。餐湯雖然都是紅或白之類，叫了白，是海鮮周打湯。碗湯十分足料，啲魷魚、蜆肉等海鮮佔據了大半，又唔腥，好好飲。附上餐包，覺得一般，沒甚麼好評論。主菜是牛，吃到的確是炭燒，牛扒表面有焦塊。生熟控制得好，真的5成熟，好濃牛味，建議不要點附上的一小碗類似燒汁的汁料，否則會蓋過牛味。餐茶一般，沒甚麼好甚麼差的。惠顧時見大部份顧客都有點生蠔，如果有時間，會再來試試。