影片
更多
2023-04-22
55 瀏覽
希慎廣場樓上嘅food court裏面，佢個美食廣場裝修過之後位置多咗好多，光猛乾淨，而且餐廳選擇多！呢間泰國菜就係其中一間新餐廳，想平平哋嘆返個泰國菜，呢間絕對係好選擇！呢間泰國菜以泰國嘅翟道翟命名，顧名思義就係主打正宗嘅泰國菜，連店員都係泰國人～嘢食方面以粉麵嘅選擇居多，菜式比較簡單冇咩花款，但呢個價錢就可以食到正宗嘅泰菜，性價比高又抵食！------------------------------🍜◖泰式雜錦炒粉絲◗ $68炒粉絲嘅份量好大，炒得好有鑊氣而且唔會好油，粉絲口感好煙靭，配埋泰式酸辣汁，帶有醬香，都幾惹味！雜錦嘅配菜有鮮蝦、雞柳、雜菜、雞蛋絲，鮮蝦好彈牙，唔同嘅蔬菜嘅爽脆增加咗粉絲嘅口感～🥘◖冬陰功雞扒湯麵◗ $68冬陰功湯底顏色橙橙紅紅，味道酸辣，幾開胃！雞扒提前醃製過好入味，都幾厚幾大塊，麵底轉咗河粉，特別嘅係河粉係粗嘅，幾軟糯掛湯，但略嫌雞扒同河粉煮得耐咗少少口感差啲～🍗◖串燒雞◗ +$38跟主食加多$38有三串雞肉串燒，燒得好乾身，唔會油淋淋，配埋沙嗲醬唔辣偏甜，好香花生醬味，大大串啖啖肉！🍹◖珍多冰◗ +$12椰汁味好香濃，加埋綠色軟滑嘅斑蘭粉條，有啲咬口又
------------------------------
🍜◖泰式雜錦炒粉絲◗ $68
炒粉絲嘅份量好大，炒得好有鑊氣而且唔會好油，粉絲口感好煙靭，配埋泰式酸辣汁，帶有醬香，都幾惹味！雜錦嘅配菜有鮮蝦、雞柳、雜菜、雞蛋絲，鮮蝦好彈牙，唔同嘅蔬菜嘅爽脆增加咗粉絲嘅口感～
🥘◖冬陰功雞扒湯麵◗ $68
冬陰功湯底顏色橙橙紅紅，味道酸辣，幾開胃！雞扒提前醃製過好入味，都幾厚幾大塊，麵底轉咗河粉，特別嘅係河粉係粗嘅，幾軟糯掛湯，但略嫌雞扒同河粉煮得耐咗少少口感差啲～
🍗◖串燒雞◗ +$38
跟主食加多$38有三串雞肉串燒，燒得好乾身，唔會油淋淋，配埋沙嗲醬唔辣偏甜，好香花生醬味，大大串啖啖肉！
🍹◖珍多冰◗ +$12
椰汁味好香濃，加埋綠色軟滑嘅斑蘭粉條，有啲咬口又唔會太甜～
🍋◖泰式鹹檸梳打◗ +$10
鹹檸沖出嚟嘅梳打水鹹鹹地，帶有些微甜味，幾清爽解渴！
🌟Encore指數：8/10
張貼
