影片
更多
2022-01-02
341 瀏覽
密密食好西嘅日子又到喇🥰 每年年尾/年頭都一定同好多朋友仔約食飯約聚會，要搵間好味又抵食嘅Sushi Omakase唔容易～ 今次我同朋友仔揀咗呢間SushiSooshi，餐廳細細，大概只可以坐倒8位客人，座位全部係吧檯形式，俾食客欣賞壽司師傅製作菜式。佢嘅𝔻𝕚𝕟𝕟𝕖𝕣 𝕄𝕖𝕟𝕦有三個選擇，我哋揀咗最豐富嘅《𝕆𝕞𝕒𝕜𝕒𝕤𝕖 ℙ𝕣𝕖𝕞𝕚𝕦𝕞》，套餐內包括前菜、 5款刺身、揚げ物、 5款壽司同埋湯，都只係$𝟝𝟡𝟠 𝕡𝕖𝕣 𝕡𝕖𝕣𝕤𝕠𝕟🥰落𝕆𝕣𝕕𝕖𝕣之後，師傅會貼心咁問一問食客，有啲乜嘢唔食先至開始製作你嘅套餐🥰🥢首先登場嘅前菜有水母絲(海蜇)同埋汁煮東風螺🐚 熟咗嘅水母絲撈一撈勻醬汁，入口爽脆清新；汁煮東風螺，味道甜甜帶有微辣，好味😋之後出場嘅係5款刺身～ 食完兩個小清新嘅前菜，我嘅味蕾已經ℝ𝔼𝔸𝔻𝕐迎接一系列嘅衝擊🥰🦪日本宮城縣生蠔，配特製柚子醬汁+蟹子，鮮甜肥美嘅生蠔🤤 肉質飽滿光澤，加上清新嘅醬汁同埋蟹子，好Match ! 🐠左口魚他他，師傅解釋左口魚又名平目魚，撈埋有少少芥末味道嘅醬汁、芝麻、海苔碎等等，依然食得出魚嘅鮮味。🐟沙甸魚卷，第一次食沙甸魚刺身，口感都唔錯。🐠煙薰咗嘅大油
每年年尾/年頭都一定同好多朋友仔約食飯約聚會，要搵間好味又抵食嘅Sushi Omakase唔容易～
今次我同朋友仔揀咗呢間SushiSooshi，餐廳細細，大概只可以坐倒8位客人，座位全部係吧檯形式，俾食客欣賞壽司師傅製作菜式。
佢嘅𝔻𝕚𝕟𝕟𝕖𝕣 𝕄𝕖𝕟𝕦有三個選擇，我哋揀咗最豐富嘅《𝕆𝕞𝕒𝕜𝕒𝕤𝕖 ℙ𝕣𝕖𝕞𝕚𝕦𝕞》，套餐內包括前菜、 5款刺身、揚げ物、 5款壽司同埋湯，都只係$𝟝𝟡𝟠 𝕡𝕖𝕣 𝕡𝕖𝕣𝕤𝕠𝕟🥰
落𝕆𝕣𝕕𝕖𝕣之後，師傅會貼心咁問一問食客，有啲乜嘢唔食先至開始製作你嘅套餐🥰
前菜
18 瀏覽
0 讚好
0 留言
🥢首先登場嘅前菜有水母絲(海蜇)同埋汁煮東風螺🐚 熟咗嘅水母絲撈一撈勻醬汁，入口爽脆清新；汁煮東風螺，味道甜甜帶有微辣，好味😋
刺身
51 瀏覽
0 讚好
0 留言
之後出場嘅係5款刺身～ 食完兩個小清新嘅前菜，我嘅味蕾已經ℝ𝔼𝔸𝔻𝕐迎接一系列嘅衝擊🥰
🦪日本宮城縣生蠔，配特製柚子醬汁+蟹子，
鮮甜肥美嘅生蠔🤤 肉質飽滿光澤，加上清新嘅醬汁同埋蟹子，好Match !
🐠左口魚他他，師傅解釋左口魚又名平目魚，撈埋有少少芥末味道嘅醬汁、芝麻、海苔碎等等，依然食得出魚嘅鮮味。
🐟沙甸魚卷，第一次食沙甸魚刺身，口感都唔錯。
🐠煙薰咗嘅大油甘魚刺身，呢個菜式上枱嘅時候絕對係打卡專用😍 透明嘅半圓罩入面佈滿仙氣白煙，隱隱約約見到中間嘅主角-油甘魚刺身，好靚🥰 側邊嘅魚皮用柚子胡椒調味再火炙至微焦，油甘魚肥美甘甜，加上柚子胡椒味嘅衝擊，舌尖上嘅享受。
大拖羅刺身
45 瀏覽
0 讚好
0 留言
‼️天然嘅大拖羅刺身 (師傅話即係野生拖羅) 傳說中入口味蕾會爆炸嘅刺身‼️😂
上面加咗魚子醬金箔，師傅提醒食嘅時候可以加少少Wasabi，但係唔好點豉油，因為魚子醬本身已經有鹹味，唔好掩蓋佢嘅鮮味🤤
呢粒大拖羅刺身嘅脂肪分佈好似雪花咁，入口即溶，魚油味道濃厚🤤🤤🤤 食入口感觀真係會爆炸💥 好掛住日本🇯🇵😭
天婦羅金鯛+炸蕃薯
10 瀏覽
0 讚好
0 留言
💁🏻♀️刺身之後就到揚げ物登場💃🏻
🍤今次我哋嘅炸物有 金鯛天婦羅(馬頭魚)同埋炸蕃薯🍠(蕃薯妹又食自己喇😂)
金鯛天婦羅上面係濃郁嘅海膽醬～ 連魚皮都炸到香脆可口，好味到不得了。下面嘅炸麵條都可以食㗎，口感好似食緊兒時最愛嘅 媽咪麵～ 海膽醬媽咪麵你食過未？😆
天婦羅蕃薯，師傅教路首先要沾滿Wisky，再沾滿糖粉，沾得越多越好食😋 甜甜嘅炸蕃薯配搭濃烈嘅酒味～ 醉蕃薯🍠果然好正😆
壽司
18 瀏覽
0 讚好
0 留言
食完揚げ物，
就嚟到今晚最後嘅高潮-壽司😍
值得一提嘅係，呢度嘅壽司飯已經加咗少少鼓油同埋Wasabi，基本上唔使再另外沾點豉油已經好夠味，亦唔會掩蓋左主角嘅鮮味😍
🍣赤貝壽司，配搭新鮮檸檬汁&柚子皮，肉質爽脆鮮甜。
🍣真鯛+北海道赤海膽壽司，鯛魚同海膽配合嘅味道都非常唔錯。
🍣炙左口魚邊壽司，呢度嘅左口魚邊比較厚身，夾起唔會散開，表面火炙完有少少溶化嘅魚油口感，但係入面依然係爽口，好好味😋
🍣中拖羅壽司，中拖羅雖然未至於入口即化，但係油脂都唔少，口感都非常好，魚油脂味都非常濃厚🤤
牡丹蝦蝦膏醬壽司
14 瀏覽
0 讚好
0 留言
💥🍣牡丹蝦+蝦膏醬壽司‼️ 師傅話呢個係必殺技🥷😱 所以要最後先使出嚟😂
新鮮嘅大大隻特丹蝦，上面舖滿蝦膏醬，我見到師傅響蝦膏上面再搽咗一層薄薄嘅黑醬油，原來呢個黑醬油工序非常費時，黑豉油加入蝦殼，一大煲醬油熬製7-8日或以上日子，熬成一碗仔😱 再加上蝦油同其他材料，先有咁嘅味道。
呢件壽司一放入口嗰種鮮甜味，難以用文字言喻🤤🤤🤤 食完返唔倒轉頭😭
蜆肉麵豉湯
11 瀏覽
0 讚好
0 留言
最後仲有一碗熱辣辣嘅麵豉蜆湯，為今次嘅舌尖旅程畫上完美句號⭕️
鮨廷從服務到味道再到視覺都一流，性價比非常高🥰 懷念鄉下(日本)嘅你一定唔可以錯過🥲
煙燻大油甘魚刺身
11 瀏覽
0 讚好
0 留言
張貼
