茶匠 清水一芳園 (已結業)

睇完戲，當然又到甜品胃出動！今晚，我們選擇到奧海城「茶匠 清水一芳園」嘆飯後甜品！去過京都，但每次經過「茶匠 清水一芳園」都是過門而不入，今晚總算嚐到了。由於甜品店主打宇治抹茶的關係，翻開menu，無論是蛋糕或雪糕，你會發現大部份都是green object。貪心的我，最後點了最大杯、最色彩繽紛的一芳園芭菲杯，盛惠88元。芭菲高身大大杯，有6-7層選料，每一層都有不同口感和滋味。面層的抹茶軟雪糕好似奶咁滑，抹茶味濃；小丸子非常彈牙，煙靭而不黐口。芭菲中間除了雪糕外，還有朱古力脆脆、栗子蓉、紅豆等，一層一層等你發掘，好味！善意提醒，因為太大杯，怕溶的話最好快快吃掉！