影片
更多
2017-12-16
127 瀏覽
平時都好鐘意食甜品，特別鐘意食刨冰同雪糕，今日喺銅鑼灣呢邊食完晚飯，因為要黎世貿中心買少少野，於是臨走前就遇到呢間雪糕店喇。呢間分店位置唔知點咁，喺正扶手電梯旁邊，另一邊又有電梯，所以都有唔少人會經過。但本身鋪面唔大，有幾張高枱高櫈，但同時喺「室外」（商場入面）都放左幾張枱仔，可以堂食。今日黎到已經9點幾接近10點，估唔到鋪頭都仲有幾個人喺度食雪糕，我同老婆逼不得已要坐門口位，都幾尷尬，始終經過啲人點都會望兩眼，不過我地都急急腳好快食完就走。呢度有芭菲、軟雪糕、蛋糕、飲品供應，價錢中上，特別係果個好多人都食過而我仲未捨得食嘅蜜瓜芭菲。雪糕方面佢地有宇治抹茶、北海道牛奶兩隻，變化主要在某啲款式會加少少配料，例如有機玄米、大福、白玉等等。白玉餡蜜芭菲呢款其實都食過幾次，因為佢地嘅軟雪糕都要成40蚊，變相我都願意俾多十幾蚊要個砌得靚靚地嘅芭菲。呢款芭菲有抹茶雪糕，中間有啲忌廉，面頭有紅豆、白玉、餡蜜，最底有啲抹茶凍、脆米，層次感都幾豐富。雪糕溶得唔算太快，可能喺室內啦，抹茶味都幾濃，有適當奶味，唔係好苦澀果種。白玉幾煙韌，而紅豆份量大方，抹茶凍亦有淡淡茶香呢間唔係成日幫襯，久唔久食一次都ok
呢間分店位置唔知點咁，喺正扶手電梯旁邊，另一邊又有電梯，所以都有唔少人會經過。但本身鋪面唔大，有幾張高枱高櫈，但同時喺「室外」（商場入面）都放左幾張枱仔，可以堂食。今日黎到已經9點幾接近10點，估唔到鋪頭都仲有幾個人喺度食雪糕，我同老婆逼不得已要坐門口位，都幾尷尬，始終經過啲人點都會望兩眼，不過我地都急急腳好快食完就走。
呢度有芭菲、軟雪糕、蛋糕、飲品供應，價錢中上，特別係果個好多人都食過而我仲未捨得食嘅蜜瓜芭菲。
雪糕方面佢地有宇治抹茶、北海道牛奶兩隻，變化主要在某啲款式會加少少配料，例如有機玄米、大福、白玉等等。
白玉餡蜜芭菲
呢款其實都食過幾次，因為佢地嘅軟雪糕都要成40蚊，變相我都願意俾多十幾蚊要個砌得靚靚地嘅芭菲。
呢款芭菲有抹茶雪糕，中間有啲忌廉，面頭有紅豆、白玉、餡蜜，最底有啲抹茶凍、脆米，層次感都幾豐富。
雪糕溶得唔算太快，可能喺室內啦，抹茶味都幾濃，有適當奶味，唔係好苦澀果種。
白玉幾煙韌，而紅豆份量大方，抹茶凍亦有淡淡茶香
呢間唔係成日幫襯，久唔久食一次都ok，因為我個人就比較鐘意另一間科品店嘅抹茶雪糕。
張貼
