達人包車 (已結業)

上網睇倒呢度嘅芝士排骨好多好評，所以就黎左食飯好多野食揀，不過見隔離枱果鍋芝士排骨好大鍋，所以就淨係叫左一樣揀左6件我見倒有分唔同件數唔同價錢嫁側邊全部都係芝士，中間有年糕腸仔同排骨，我地兩個人食，所以就揀左6舊。本來我地就咁拎舊排骨黎點芝士，但後來老闆黎左，教我地用芝士卷住舊排骨黎食，芝士味即刻濃左好多啲排骨肉好林，完全唔痴牙，而加左芝士包住就冇咁辣。下面啲年糕同腸仔食落辣啲，佢地吸哂啲辣汁。旁邊仲有幾舊飯團，有紫菜同芝麻，用黎點芝士食一流，完全吸哂啲芝士汁。仲叫左野飲，有好多特色野飲，事關我對藍色飲品情有獨鍾，所以冇諗就叫左。呢杯野飲好有夏天嘅氣息，飲落甜甜地而且仲好清新。