達摩元祖麵屋 (已結業)

每次經過尖沙咀見到呢隻大大隻達摩都好吸引，今日終於食到啦❤️呢度既老闆同員工都好熱情👍🏻裝修都好特別🎏拉麵有9種選擇，身為黑蒜迷既我，叫左我最愛既黑蒜拉麵，一黎到已經陣陣黑蒜味湧埋黎，黑蒜夠香夠濃🤤而朋友就點左北海道3.6牛乳湯拉麵，牛乳味濃郁，香濃既奶味🥛呢度既豚肉仲有4款俾你揀，岩哂鍾意食唔同部位既你，而我地就揀左豚腩叉燒同豚肩叉燒，豚腩肥瘦分明，塊肉又夠厚😋而豚肩就岩哂d唔太食肥肉既人。小食方面就叫左牛油炒蘆筍，牛油味極香。仲有串燒雞皮同墨魚咀，鍾意食雞皮既一定會極愛，墨魚咀夠哂大粒，真係無得輸👍🏻串燒仲會因應每款食材而有唔同味比你揀添。