蘭州拉麵店 (已結業)

本人係非常喜歡食麵，無論係日本拉麵，中國麵等都非常喜歡，咁今日就經開荃灣，就當然要再次試下好耐之前食過嘅蘭州拉麵啦！同以前一樣，去到都係座無虛席，再加上而家已經唔俾ｄ枱擺街，裡面坐得重辛苦，好彩我一個人就比較容易搵位！咁我自己就點左個五香牛肉麵，跟餐飲豆漿，另外再加左個口水雞！首先就係豆漿，豆漿好淡，無味！！！跟住見到師父即場拉麵，好有型！口水雞到啦，坦白講唔夠辣，以前辣好多，而且ｄ雞完全無雞味，都比較差！我最期待拉麵到啦，湯底好清，牛肉都好淋，而且拉麵keep到以前水準，麵質非常彈牙，有口感，雖然其它野都較差，但起碼我最期待嘅拉麵都keep到，希望其他野會有改善啦！