SHAO (已結業)

今年嘅拍拖周年，我哋選擇咗喺何文田勝利道嘅一間餐廳慶祝。今次呢間餐廳係女朋友同佢啲同學之前食過嘅，覺得好好食所以再來試多次。其實我自己都幾鍾意勝利道呢一個地方，呢度旺中帶靜，距離旺角地鐵站都係10分鐘嘅路程，但沒有旺角那麼人多擠迫，有一種去左一個小社區嘅感覺，都幾舒服下，幾悠閒下。講返呢間餐廳先，呢間餐廳其實係一間好細嘅小店，裏面嘅座位我諗大概有五台到每台坐二至四人，裏面嘅裝修有一種開放得來又清新嘅感覺，嗰一日我哋影相嘅時候，熱心嘅店員亦都為佢莊係牆上面嘅字開了燈，影相打卡都幾靚㗎。嘢食方面，我哋叫咗一個茶漬燒三文魚腩飯同埋一個茶漬燒劍魚腩飯，係燒三文魚定燒劍魚腩，有入口即溶嘅感覺，而肉質都很嫩滑。飯配茶漬，很清新，很美味。另外我哋仲叫咗一客薯條，薯條炸得好脆，有食上癮嘅感覺。我哋嗰日叫咗一杯牛油果特飲，呢個特飲好清甜。