影片
更多
2022-11-21
170 瀏覽
好耐之前已經被佢地嘅拖羅三文治吸引住！今次專登黎一嚐，果然無失望。師傅更會以備長炭炙燒魚料，炭香超加分！Dinner Omakase有 稻、豊 兩個menu供選擇，定價為$1580/$1880。午市除左omakase ($880)，仲有較相宜嘅lunch set供選擇，$530就有齊12款壽司及卷物、前菜、茶碗蒸、湯、甜品。今次夜晚黎到就試左個平啲嘅set，雖然壽司數量比起平時嘅少，但整體食落又幾豐富。🌟稻 $1580前菜 - 五道京都湯葉｜沖繩水雲｜明太子薯仔沙律｜泥漿魷魚｜梅酒浸蕃茄湯葉、水雲 酸甜醒胃。薯仔沙律明太子味偏淡，但薄脆外殼令口感更為豐富。泥漿魷魚加入墨汁同魷魚粒，軟腍中帶彈牙口感。最後以香甜多汁帶酒香嘅蕃茄作結，清清味蕾食刺身~刺身 - 六道仙鳳趾真蠔｜馬糞海膽x白蝦｜九州深海池魚｜北海道鱈魚白子｜宮城鰤魚｜赤身x中拖羅x大拖羅印象最深刻一定係拖羅三文治！用薄脆嘅最中餅同紫菜夾住經熟成嘅赤身、中拖、炭燒大拖，魚味濃郁之餘，脂香滿溢，更帶炭燒香，層次豐富初嘗鱈魚白子，比想像中易入口喎！白子經煎香，外層微酥脆 內𥚃軟滑，加埋煎過嘅烏魚子，帶點鹹香，無咩奇怪嘅味道其餘幾款刺
Dinner Omakase有 稻、豊 兩個menu供選擇，定價為$1580/$1880。午市除左omakase ($880)，仲有較相宜嘅lunch set供選擇，$530就有齊12款壽司及卷物、前菜、茶碗蒸、湯、甜品。今次夜晚黎到就試左個平啲嘅set，雖然壽司數量比起平時嘅少，但整體食落又幾豐富。
🌟稻 $1580
前菜 - 五道
京都湯葉｜沖繩水雲｜明太子薯仔沙律｜泥漿魷魚｜梅酒浸蕃茄
湯葉、水雲 酸甜醒胃。薯仔沙律明太子味偏淡，但薄脆外殼令口感更為豐富。泥漿魷魚加入墨汁同魷魚粒，軟腍中帶彈牙口感。最後以香甜多汁帶酒香嘅蕃茄作結，清清味蕾食刺身~
刺身 - 六道
仙鳳趾真蠔｜馬糞海膽x白蝦｜九州深海池魚｜北海道鱈魚白子｜宮城鰤魚｜赤身x中拖羅x大拖羅
印象最深刻一定係拖羅三文治！用薄脆嘅最中餅同紫菜夾住經熟成嘅赤身、中拖、炭燒大拖，魚味濃郁之餘，脂香滿溢，更帶炭燒香，層次豐富
初嘗鱈魚白子，比想像中易入口喎！白子經煎香，外層微酥脆 內𥚃軟滑，加埋煎過嘅烏魚子，帶點鹹香，無咩奇怪嘅味道
其餘幾款刺身都幾鮮~
鰤魚厚身魚味濃，其中一塊更經備長炭燒香，多左份油香焦香~
煮物/燒物：午仔魚
即香港嘅馬友~ 外皮燒得薄脆，魚肉依然軟滑多汁，仲要無骨啖啖肉
壽司 - 六貫
北海道帆立貝｜岩手縣石垣貝｜牡丹蝦｜北海道馬糞海膽｜鯖魚｜穴子
六款之中，我就最鍾意白板昆布鯖魚棒，魚味濃郁，焦香有肉汁，醋味突岀 平衡油香。
牡丹蝦軟滑帶彈性，更有蝦膏增添風味。穴子軟腍無骨，醬汁唔會太甜搶過魚味。唯獨帆立貝調味過重 搶過鮮味
馬糞海膽有少少腥
湯：蜆湯
蜆肉飽滿鮮甜，麵豉湯底則較為普通~
甜品：威士忌蜜瓜｜紅豆大福
好得意咁用上威士忌襯托蜜瓜，環境充斥酒香，不過味道上其實無乜大分別。紅豆大福 外皮軟糯帶咬口，紅豆蓉軟綿保留左紅豆衣，略嫌紅豆味偏淡。張貼
