影片
更多
2021-05-17
2144 瀏覽
呢日去咗海港城行街，見到新開嘅祥仔辣辣，12點3去到已經有一大班人企係門口，見到lunch menu 都有啲吸引，加上我哋又好想食酸菜魚😆😆於是就決定試下啦！本來想坐海景位，但係估唔到我地入到去都已經坐滿喇😣招牌祥仔酸菜魚 $248我哋期待已久嘅酸菜魚，一嚟飲啖湯先，鮮甜唔油膩，飲到有魚嘅鮮味同花椒嘅麻香，最驚喜係加咗迷迭香，同酸菜魚竟然意外地夾魚片份量好足，魚肉好滑熘，仲加咗大量芽菜、蓮藕同我最愛嘅萵筍，酸菜亦都夠酸，如果份量可以再多啲就perfect 啦去骨海南雞飯 $128賣相好靚仔，雞肉份量好多，夠香夠滑，亦都唔會好肥，正！我鐘意將個油飯撈埋特製嘅醬汁一齊食，又香又惹味😍香菇海鮮泡飯 $148呢個海鮮泡飯較前兩樣菜式，就相對失色喇，雖然飯同餸嘅份量都唔少，不過海鮮嘅種類唔多，只有蝦、魷魚🦑&蟹柳，如果多兩三款嘅話一定更吸引！今次除咗酸菜魚之外，都無機會食到其他川菜，下次可以晚飯時間再嚟一試！
本來想坐海景位，但係估唔到我地入到去都已經坐滿喇😣
招牌祥仔酸菜魚 $248
我哋期待已久嘅酸菜魚，一嚟飲啖湯先，鮮甜唔油膩，飲到有魚嘅鮮味同花椒嘅麻香，最驚喜係加咗迷迭香，同酸菜魚竟然意外地夾
魚片份量好足，魚肉好滑熘，仲加咗大量芽菜、蓮藕同我最愛嘅萵筍，酸菜亦都夠酸，如果份量可以再多啲就perfect 啦
去骨海南雞飯 $128
賣相好靚仔，雞肉份量好多，夠香夠滑，亦都唔會好肥，正！我鐘意將個油飯撈埋特製嘅醬汁一齊食，又香又惹味😍
香菇海鮮泡飯 $148
呢個海鮮泡飯較前兩樣菜式，就相對失色喇，雖然飯同餸嘅份量都唔少，不過海鮮嘅種類唔多，只有蝦、魷魚🦑&蟹柳，如果多兩三款嘅話一定更吸引！
今次除咗酸菜魚之外，都無機會食到其他川菜，下次可以晚飯時間再嚟一試！
張貼
