海悠

營業中

休息中

海悠價錢💲: $168/ $188/ $298好味程度😋: 4.3/5服務🍴: 3.7/5環境🗾: 2.8/5性價比🥢: 5/5!回頭率😚: 4/5-呢間餐廳雖然開係熟食中心入面，但無論平日定星期六，都好多人會去個到食，就算而家咁熱。入面有冷氣的放心🤣 之前係youtube見到佢地的訪問已經好想食，性價比好高，一份炸子鷄只係$68，望落拍得住酒樓個d。雖然地方當然會有d犧牲，但食物質素同價錢都值得支持同多人去。-✅✅炸子雞。炸子鷄大大隻，個皮又薄又脆，唔食皮的都一定要試試😬上皮顔色好夠色水，望落都好靚仔。入口脆皮之外，d鷄肉都好嫩滑🤤 連胸位d肉質都唔會一絲絲好鞋咁。同埋鷄肉唔霉，肉質好收貨。唔沾鷄醬食都有淡淡鹹味。叫呢個仲會包一碗飯/米粉，超級大碗！-✅✅蜜椒脆鱔。蜜椒脆鱔球。$188好大碟！炸漿外皮好薄好脆，裹住足夠的蜜糖，再沾左d脆米，有多種口感👍🏻蜜糖唔會太多太甜而變得好膩。鱔球大大舊，無骨，好肥美😋食到鱔的肥美度，魚肉有彈性，d魚皮邊邊位好有魚油味道，食出鱔的重點來！好正呀！-✅新鮮長腳蟹腳蝦湯海皇燴飯。好難得食到咁足料的飯😱 重點當然係拆好曬肉一條條的長腳蟹肉🥰蟹肉超粗壯，