遇見您

營業中

休息中

位於紅磡漆咸道北嘅「遇見您」餐廳 Encounter有香港地道美食同 Fusion 嘢。自家秘製火山骨-用靚嘅生抽喺底做醬汁。所以有啲似煲湯食淨嘅豬肉，點豉油。連同伴都改變左鍾意食豬骨。煙三文魚黑松露蘆筍炒飯-飯嘅質感完整，唔係用油炒嘅炒飯，所以健康。飯帶鹹味，有黑松露，煙三文魚，蛋，同埋爽脆蘆筍。芝士鮮茄焗厚切豬扒飯-個紅汁係微甜同埋有芝士。飯質幾好一啲都唔糊。加底嘅飯。菠蘿唔酸。豬扒喺靚嘢。多汁，大塊，厚，新鮮，唔係醃到鹹晒嗰隻。而且唔係煮到熟晒嚡熠熠嘅，豬肉味就自然多。果然係招牌菜。物超所值。拿鐵咖啡加埋餐廳「遇見」logo。用靚咖啡機整嘅。熱朱古力連埋Smile emoji 😊。總括：樣樣嘢都係性價比高，用料十足但價錢係平民價。附近嘅人都去呢度聚腳。去開土瓜灣記得去幫襯啊。