Siam 28

營業中

休息中

鮮蝦柚子沙律 - 呢個沙律真係好難會唔好味🤣芒果煎糯米飯 - 煎嘅糯米飯會多咗蛋香，但係就好似少咗甜味。招牌紅咖喱炒大頭蝦 - 呢個好味！唔怪之得叫招牌👍🏻。炸通菜 - 第一次見、第一次聽到呢個餸菜，嗯．．．．．都係覺得炒嘅好食啲😅。脆炸牛舌伴泰海鮮汁 - 牛舌表面好脆，裏面好腍，腍嘅程度係好似炆牛舌咁腍，我自己就覺得太腍，如果爽少少我就會覺得幾好食。炸蝦餅 - 呢啲一定好食，基本上香港每一間泰國餐廳都係攞來貨嘅，所以一定唔會唔好食，而且大家嘅味道都會差唔多。自家製青檸辣汁蒸原條魷魚 - 呢個青檸辣汁我自己就好鍾意食，蒸嘅魷魚嘅質地好嫩，再配上青檸辣汁，正👍🏻。