民聲冰室 (裝修中)

好多年無去大坑食好西，想當年仲見到陳奕迅響度開飯，個招牌肉餅山真係一試難忘！鹹蛋蒸肉餅 $56 雖然都係肉餅山，但好似縮左水，唔知係咪午市價錢平啲所以份量都少啲。不過個蒸肉餅依然好食，個甜豉油係精粹，餸飯一流！客家鹽焗手撕雞 $59 都放到好似一座山咁，個底係連少少肉既骨。雞肉幾嫩，鹹之中有麻油香味，都係餸飯之選。.以上為午市飯餐價位，平過晚市，加$2有熱飲，$5有凍飲。但留意番，星期六日及公眾假期飲品係原價。