金二少冰室

營業中

休息中

放工之後，諗住搵間冰室快食晚餐就回家。侍應好有禮貌，親自幫我點餐，仲介紹奶茶加埋隻熊仔可以打吓卡。咁我本身都想試吓佢個奶茶嘅！叫左招牌荷葉土魷肉餅蒸飯， 加埋冰凍熊仔奶茶。首先黎左個冰凍熊仔奶茶，叫晚餐就加$18有樽裝奶茶，加$19就有埋隻熊仔俾你打卡。奶茶入口係濃厚嘅，奶味偏重，甜度適中，隻熊仔打卡係幾靚，半個鐘都未溶哂，有排你影😂晚餐叫左個招牌荷葉土魷肉餅蒸飯10分鐘内就已上菜，本身想叫少飯（以為佢係分開上）， 侍應話唔得，唔係分開，冇得少飯。上菜係原個上，有個籠仔上有塊荷葉，再放蒸飯上有肉餅同埋幾舊土魷。 蒸飯同肉餅係熱嘅，肉餅一入口就溶，味道正常，土魷就常溫啦，不過硬嘅。最厲害係塊荷葉，係凍架🤣因為蒸飯冇乜荷葉味，所以就好奇摸吓塊荷葉😂點知凍嘅，即係落單先執埋一齊啦！咁咪可以少飯囉😂環境唔大，如果你拎住一大袋野就要打橫先行到，唔算寬敞囉。咁平日文晚都唔算多人，可以慢慢坐。另外，一路食一路有2隻蚊定烏蠅飛黎飛去都唔走，咁睇應該唔會有下次啦。附近有好多餐廳可選擇。