魚米家魚湯米線 (已結業)

我個人一直對魚湯米線呢一種特別鍾情。魚米家的招牌順德魚腐米線又點會放過呢？呢一個魚腐米線的餸菜幾豐富，魚腐有7粒，其他店一般都係得4粒魚丸，另外仲有少少菜同埋雲耳、粟米等配菜。呢一個店我覺得都幾公道，米線十分大碗，餸菜又豐富。主角魚腐幾香口，有時會食到魚骨。我覺得魚肉比例多一啲會比較好食，因為呢一次食魚味唔夠突出。米線唔係太硬，煮得剛剛好。魚湯我覺得有用味精，不過都可接受，因為佢唔算用得好多。奶茶我覺得真係唔好飲，因為杯嘢真係好「鞋」口。