影片
更多
2020-01-13
3688 瀏覽
我相信大部份人都知Paul Lafayet最出名嘅就係Creme Brûlée或者最出名嘅Creme Brûlée就係嚟自Paul Lafayet啦XD。話雖如此，我都好少食，因為平日一個都唔平，成$50！不過佢一年兩度會做推廣優惠，Creme Brûlée券買一送一，即係$25就有一個，咁就抵食好多👍。呢日出尖沙咀食晏，順便去K11兑換埋啲券請同事食。我一次過換咗6個😂😂，不過店員好熟手，三兩分鐘就已經搞掂。舖頭特別有個位係整🍮Creme Brûlée嘅，即係店員會喺你面前倒啲糖上個燉蛋面，再用火槍炙燒幾下至燶燶哋嘅效果，每一個都燒得幾均勻幾靚😍。店員有提示返要盡快食用，好似係半個鐘內？焦糖燉蛋用個瓦碗裝住，個碗相信又係另一賣點，哈哈。燉蛋係好食嘅，蛋味濃郁，口感夠滑，有雲呢拿籽，不過有少少甜啦。整體不過不失，係一貫嘅好味道😋。我認為送禮送散水餅，送呢個絕對唔失禮！總括嚟講，Paul Lafayet係無做壞招牌嘅，Creme Brûlée係好食嘅！不過以原價買，就比較貴，最好都係留意下幾時有做優惠。
我相信大部份人都知Paul Lafayet最出名嘅就係Creme Brûlée或者最出名嘅Creme Brûlée就係嚟自Paul Lafayet啦XD。話雖如此，我都好少食，因為平日一個都唔平，成$50！不過佢一年兩度會做推廣優惠，Creme Brûlée券買一送一，即係$25就有一個，咁就抵食好多👍。呢日出尖沙咀食晏，順便去K11兑換埋啲券請同事食。我一次過換咗6個😂😂，不過店員好熟手，三兩分鐘就已經搞掂。
舖頭特別有個位係整🍮Creme Brûlée嘅，即係店員會喺你面前倒啲糖上個燉蛋面，再用火槍炙燒幾下至燶燶哋嘅效果，每一個都燒得幾均勻幾靚😍。店員有提示返要盡快食用，好似係半個鐘內？
Creme Brûlée
$50
121 瀏覽
0 讚好
0 留言
焦糖燉蛋用個瓦碗裝住，個碗相信又係另一賣點，哈哈。燉蛋係好食嘅，蛋味濃郁，口感夠滑，有雲呢拿籽，不過有少少甜啦。整體不過不失，係一貫嘅好味道😋。我認為送禮送散水餅，送呢個絕對唔失禮！
總括嚟講，Paul Lafayet係無做壞招牌嘅，Creme Brûlée係好食嘅！不過以原價買，就比較貴，最好都係留意下幾時有做優惠。
張貼
