DR. COW 牛扒專家

營業中

休息中

今次相約同在大圍收工既姊妹黎食呢間「牛扒專家」，自稱專家唔知有幾專呢。門店小小但內裡五臟俱全呢。內裡環境舒適 認住呢個嘜頭見到食牛既地方有蠔食呢，咀刁既我地就點左兩粒太平洋生蠔，鮮味出，有淡淡海水味，不過較細粒，口感不是好豐滿。我地一人一杯，分別係朱古力棉花糖同埋芒果奶昔。杯朱古力整到好靚呀，打完卡都唔捨得飲！朱古力好夠凍，棉花糖細細粒同飲品好夾到呀。芒果奶昔就一般，唔算好突出。跟住黎左兩個小沙律🥗，refresh一下！鮮茄蓉龍蝦🦞帆立貝炒意粉🍝呢個menu未有架！老闆話優先煮比我地呢！意粉份量十足（定係我地兩個小鳥胃食唔到咁多野😂？），醬汁豐富，用上篇意粉掛汁效果算ok, 不過飽肚感十足。龍蝦同帆立貝都有，當然都要將貨就價，但誠意是有的。海鮮亦頗鮮甜。手切牛小排定食配溫泉蛋牛小排易於切開，少筋少渣，易咬，肉汁有鎖在肉內，不過配飯有點乾，好在窩心諗到配粒溫泉蛋補返數呢！老闆好好客健談，大家有時間去搵佢傾下計啦！小店唔易做，要生存各盡其法，一齊支持小店呢！