校長燒肉日韓料理 (已搬遷) 新店位置

近期做開健身keep fit，食左六日輕食，都要有一日放縱下。聽到朋友想食校長燒肉，就拜訪下啦!入到去見到裝修都仲好新，最緊要唔大油煙!除左壽司，剌身區有希靈魚，三文魚，泰國蝦，蟹柳和八爪魚，而且（無人時）可以叫師傅厚切剌身，頗新鮮。醬汁區有十幾款，韓日泰港式。燒肉區有多款肉類，岩哂我等食肉獸，風格較港式，個人推介穀飼牛肋眼心，肉嫩重牛味!海虾好新鮮，因為佢地仲識旭㗎!蔬菜新鮮燒菠蘿日式餃子唔錯，皮好薄。鐘意飲湯既我，梗係要試吓個蔘雞湯!飲落幾足料夠味，煲湯入面有幾隻雞，我地每人飲左兩碗!男人當然係要啤啤佢。呢度除左韓啤外，仲有corona ，飲多幾罐都底返曬!甜品就淺嘗返杯雀巢同藍莓雪糕，咁就一餐滿足既晚餐，埋單每人二百二十蚊多啲，好抵!