Lemongrass (已結業)

近排成日黎奧海城食野，咩都試過晒咁濟啦，都想試下新野，朋友就介紹黎呢家開張無耐既Lemongrass到試東南亞菜。餐廳既裝修俾人幾舒服既感覺，座位有得揀梳化同埋椅子，仲有兒童遊戲角，後者係香港黎講真係唔常見。泰無骨海南雞飯: 海南雞無骨之餘仲皮瘦肉嫩，鮮味嫩滑，伴以由斑蘭葉同蒜頭煮過的飯，清香而不膩。印尼炒飯: 印尼炒飯炒得好均勻, 又香濃又惹味, 最重要係香而不辣,相當有印尼風味。 只不過隻蛋煎得過熟，切落去無蛋汁流出黎。海鮮喇沙: 湯底既有魚鮮也有咖喱香，加埋魚蛋同各式各樣既海鮮，米粉同埋麵，都算幾正宗。泰式大蝦炒金邊粉: 金邊粉炒得夠鑊氣，亦都有鮮蝦，蛋，蕃茄同青瓜等等既餸菜，再加上香口既花生碎，幾好食，係嫌蝦既份量少左d啫。每個套餐都會包一杯咖啡或茶同甜品，如果要轉特飲就要加8蚊，成餐飯最不滿就係呢個甜品，再加上食東南亞野無啦啦俾個西式甜品我真係有點兒格格不入。