香江大酒樓 (已結業)

事關屋企人獨愛去酒樓，天寒地凍費時行咁遠，隨意選了樓下呢間酒樓，早知睇完評論先去食。食物無影相，總括嚟講，又貴又難食，服務態度麻麻。隔離抬叫羊腩煲，發現有頭髮，羊皮上滿滿羊毛，嚇得啊姐叫經理來，點知啊哥經理反駁一句：「你都就快食晒，咁你想點？」嚇得食客啊姐與同抬家人無言相對。最後經理面黑黑話：「送多盤菜比你啦」都真係唔知講咩好我個抬叫左湯，等了50多分鐘，催左幾次話整緊，唔同經理口徑一致又話跟緊，最後等唔到個湯，因為所有嘢食都已經食晒，咁我哋就埋單走人，點知原來係冇湯供應，咁你一早講啦，搞到成家人呆咗咁坐喺度等。冇咩事都唔好去幫襯，貼錢買難受，冬至費事同你嗌交埋年。