天福軒 (已結業)

呢日中午去飲茶，果然好多人，等左半個鐘先有位。叫左一個點心拼盆、芝士蝦烏冬同牛腩麵。令我印象最深刻嘅就係拼盤入面嘅燒賣，同平時d燒賣味道差唔多，都係咁好食，但size係平時嘅四分三，同隔黎粒蝦餃比明顯細左。而芝士蝦烏冬一食就知冇偷工減料，香濃芝士令人無法抗拒，烏冬冇酸味，美中不足嘅係d蝦一食就食得出係急凍，仲要有d"霉"，淨係食芝士烏冬會好食d。而牛腩麵真係冇得挑剔，用嘅係牛筋腩，d麵爽口彈牙，好好食。