影片
更多
2025-01-15
217 瀏覽
📍莆田 🔍中環皇后大道中139號L Place 7樓-----新年唔喺香港，今年就提早咗嚟食撈起，每年食撈起總會揀呢間餐廳，因為佢地嘅服務員好專業，有成套Speech一路撈一路講喜慶說話，令人感覺份外好意頭😆。新春如意2人套餐（$888）.雖說是2人餐，但係份量完全夠三個人食，而且好足料，有鮑魚有魚翅，性價比好ok。另外亦有更平價及更貴價嘅套餐選擇，由2人到10人餐都有。.1.風生水起•煙三文魚撈起2.盆滿缽滿•鮑魚大蝦盆菜3.鴻運當頭• 海皇魚翅羹4.萬事勝意•鮮貝燴絲瓜5.媽祖平安麵6.甜甜蜜蜜•桂圓銀耳湯.撈起色彩繽紛，寓意風生水起，口感材料都豐富，店員一路撈，一路講喜慶句子，最後仲會同我地一齊撈，撈得越高，代表撈得越好，加上特製醬汁，酸甜開胃，味道幾清爽，係好似食沙律嘅感覺，重點係好好玩同埋意頭好👍🏻。海皇魚翅羹裡面有魚翅、蝦肉、海參、蟹肉同金華火腿等，鮮味出眾，而且真係啖啖都好多料。鮑魚大蝦盆菜同樣係好應節，食材用料上乘，而且好足料，芋頭粉綿，冬菇鮑魚彈牙入味，福州魚丸大大粒好有特色，海參、豬手、豬皮膠原感滿滿，蝦肉彈牙新鮮，加上原粒乾瑤柱及髮菜，整體感覺非常豪華，而且味道調
🔍中環皇后大道中139號L Place 7樓
-----
新年唔喺香港，今年就提早咗嚟食撈起，每年食撈起總會揀呢間餐廳，因為佢地嘅服務員好專業，有成套Speech一路撈一路講喜慶說話，令人感覺份外好意頭😆。
新春如意2人套餐（$888）
.
雖說是2人餐，但係份量完全夠三個人食，而且好足料，有鮑魚有魚翅，性價比好ok。另外亦有更平價及更貴價嘅套餐選擇，由2人到10人餐都有。
.
1.風生水起•煙三文魚撈起
2.盆滿缽滿•鮑魚大蝦盆菜
3.鴻運當頭• 海皇魚翅羹
4.萬事勝意•鮮貝燴絲瓜
5.媽祖平安麵
6.甜甜蜜蜜•桂圓銀耳湯
.
撈起色彩繽紛，寓意風生水起，口感材料都豐富，店員一路撈，一路講喜慶句子，最後仲會同我地一齊撈，撈得越高，代表撈得越好，加上特製醬汁，酸甜開胃，味道幾清爽，係好似食沙律嘅感覺，重點係好好玩同埋意頭好👍🏻。
海皇魚翅羹裡面有魚翅、蝦肉、海參、蟹肉同金華火腿等，鮮味出眾，而且真係啖啖都好多料。
鮑魚大蝦盆菜同樣係好應節，食材用料上乘，而且好足料，芋頭粉綿，冬菇鮑魚彈牙入味，福州魚丸大大粒好有特色，海參、豬手、豬皮膠原感滿滿，蝦肉彈牙新鮮，加上原粒乾瑤柱及髮菜，整體感覺非常豪華，而且味道調配恰到好處，搭配清甜鮮貝燴絲瓜，一濃一清，非常夾。
媽祖平安麵質感好滑溜軟，裡面加入了荷蘭豆、蟶子、冬菇、花生、小酥肉、紫菜、金針花等等，係福建人嘅家常口味，香港唔多地方食到。而平安麵（又稱長壽麵）則寓意平安健康，喺福建人過時過節成日食嘅麵。
最後以低甜嘅桂圓銀耳湯作收結，入口清甜帶溫潤感，食落幾舒服。
張貼
