馬六

營業中

休息中

幾個月前馬六喺北角開咗新店，新店通常好生意啲，為咗唔想同人逼，所以拖到家陣先嚟幫襯，雖然係咁，但今次都一樣要等咗十幾分鐘先有位。好彩佢哋嘅輪籌系統做得好，由電腦出飛，排到第幾位都會喺屏幕顯示，一目了然。猴子點咗個沙巴燒雞蔥油拌麵，皆因一大隻燒雞脾實在好難抗拒。刻薄啲講句，燒雞脾好難整得唔好食，所以今餐滿意係意料中事，實際上隻雞脾又係燒得皮脆肉嫩，而且好入味。麵亦夠香而且軟硬適中，唔會話乾到一餅嘢咁。附送清湯一碗，可以減少啲油膩感。成間餐廳整體嚟講算係唔錯，地方舒適，啲嘢食又唔差，唔難成為猴子嘅食堂之一。