泰麵膳 (已結業)

今晚好有興致去食宵夜，開開心心周圍揀食乜嘢，行到 boat noodle門口睇餐牌，個職員係咁叫我哋試吓，但其實我之前試過唔差，睇過晒周圍無乜嘢啱食，所以都係食返這間。入到去個職員重好鬼好招乎係咁介紹食啲乜，但唔知點解掃興嘅事就開始發生，真係非常掃興！首先開心咁叫咗啤酒，同時落埋單叫魚蛋河及雞豬串燒，簡簡單單的宵夜。點知罐啤酒到咗之後，就一直等待，眼見幾枱新客入嚟坐低重食緊，我眼前只得罐啤酒，都等到唔耐煩就問係咪流咗單，之後証實無落單，職員即刻係咁叫廚房快快整咗碗河粉嚟先，為有繼續等，碗魚蛋河到咗，而可能串燒要慢慢燒，所以會耐些少，明白的。但當等了一段時間，碟串燒送嚟，點知再一次掃興，職員送碟嘢嚟時唔知點樣失手跌咗碟嘢落枱，飛咗3條串燒落地。之後職員即刻收返碟嘢去廚房重叫廚房快啲整過幾條串燒出嚟，點知隔離枱叫全雞肉串燒。可能職員心急想俾咗我先，所以就將隔離枱的俾咗我，我食完一兩條後先發覺點解係全雞肉串燒嘅，而職員又俾咗我的雞豬串燒俾隔枱。。。。真吹脹，之後又收返我嗰碟同隔離枱嗰碟，過一陣又俾返雙併我哋，真係人都癲。。。由開心食宵夜變成掃興宵夜。啲嘢更好食都係假。