波記燒臘粉麵店

營業中

休息中

今日難得返嚟港大呢頭點可以唔嚟波記回味一下呢？ 😝以前大學時代幾乎每個星期都會嚟一次，雖然價錢唔算話好平，但係性價比依然高、快靚正！👍🏻今日開舖冇耐就嚟到，未到食晏時間，所以唔洗排隊😙 今日想食啲濕濕地嘅嘢，叫左碗燒鴨瀨。燒鴨嘅皮依舊燒得脆，帶有碳香味，鴨肉亦非常嫩一啲都唔鞋，瀨粉就正正常常啦，配埋個唔會太喊嘅清湯，成件事實在太浪漫啦，大學回憶返哂嚟！😜☺️朋友就叫咗叉燒燒腩飯，半肥瘦嘅叉燒啱啱好，燒肉嘅皮非常香脆，啲肉唔會太瘦太乾，再配埋好多薑蓉，送飯真係一流😍最後提提大家，如果想食新鮮嘅好味嘅燒味強烈建議大家食晏時間嚟，因為有時晚市嘅質素會有少少落差，唔會好晏收舖，賣剩嘅貨尾🙈