반찬앤쿡 Banchan and Cook (時代廣場) (已結業)

今日又去銅鑼灣出差， 見好耐無去Times Square 揾野食， 於是順道一遊入去揾野食。 去到9樓見到有間食韓式餐廳排哂長龍。 咁香港人最鍾意排隊， 我咪又排下囉， 大約15分鐘入座。 望望餐牌， 好多野食， 樣樣都想食， 於是叫下叫下就變成:玫瑰醬燴雞腿肉蛋包飯牛肝菌蛋包飯慢煮羊膝配薯條韓式無骨炸雞韓式雜莓牛角包窩夫盛夏冰爽西瓜檸檬梳打無花果梳打玫瑰醬燴雞腿肉蛋包飯， 蛋包飯真係吸睛系列， 未切開先打卡， 切開後再打卡， 鮮黃色嘅蛋汁湧出黎， 浸滿成個飯， 蛋味香濃，燴雞腿肉啖啖肉，煎得香口。牛肝菌蛋包飯， 牛肝菌味超濃， 入口索索聲， 愛菇朋友一定鍾意。慢煮羊膝配薯條， 一大條羊膝， 無騒味， 好嫩滑， 羊肉一絲絲。韓式無骨炸雞， 帶少少辣味， 雞肉嫩滑多汁， 份量超多。韓式雜莓牛角包窩夫， 女生至愛甜品， 又係打卡之選， 熱辣辣香甜窩夫， 加上少少肉桂粉， 食完開心哂。盛夏冰爽西瓜檸檬梳打， 清甜， 清新， 入口透心涼， 大熱天時， 一定要飲。無花果梳打， 味道較清淡， 成杯都有無花果幽香。