正九清湯腩 (群星大廈)

營業中

休息中

今日去咗觀塘買電話卡 順便搵嘢食 見到正九清湯腩有好多人喺入邊食又有人排隊 於是就入去食下午茶☺️☺️我地叫左清湯牛腩河粉 牛肉羹飯 配凍菜蜜同埋雪碧🥤清湯牛腩河粉牛腩非常鬆軟 每舊牛腩都肥瘦均勻每一啖食落去有瘦肉亦都有少少嘅肥膏食落去感覺非常濃郁 如果鍾意食肥或者瘦或者半肥瘦亦都可以同餐廳講佢哋都可以安排 湯底亦都非常清甜 而餐廳自製嘅辣椒油亦都為碗河粉錦上添花 加少少已經令到碗牛腩河粉非常惹味牛肉羹飯好少見到有餐廳有呢隻牛肉羹飯 所以就試咗牛肉羹嗰個芡打得非常之好 食落去有少少甜 面頭係牛肉 底入邊亦都有啲蘿蔔 令到個湯底更加鮮甜 撈埋碗飯食更加係一流 炸魚皮炸魚皮非常之大塊啊 好似見到一條完整嘅魚咁大塊平時出邊食嗰啲唔係碎咗就係煎得太燶呢度就係啱啱好 原本我哋係想試呢個變咗崩沙腩 但嚟到嗰陣時已經賣晒啦 一路食一路亦都聽到好多人都想試崩沙腩 睇嚟呢一到嘅咗崩沙腩 好出名可以值得下次再嚟去試吓😍😍