亞泰

營業中

休息中

今朝去到康城，見到有一間排長龍嘅泰國餐館，呢間泰國餐廳一早就有人排隊等食，所以就好奇跟住大家一齊排下隊，食個靚早餐。早餐都係以麵食為主，有一款叫媽媽麵，唔通係細個食既媽咪麵？好奇心之下，點左一碗沙嗲牛肉媽媽麵。來到真係估中嘅公仔麵，其實可以轉船河湯底，本來諗住順便一試佢地既泰式味道。但湯底就同公仔麵唔太夾，感覺有D格格不入，而且香葉味太重，所以感覺一般。其實加5蚊仲可以轉冬陰功湯，可能冬陰湯會好D。跟麵仲有腸仔蛋同餐包，所以呢個價錢來講真係幾抵食，難怪咁多人排隊。麵食以外仲有一般既西式魚柳煎蛋之類既餐可以點，我就點左魚柳加雞翼餐包，其實總類算多，只係唔特別，相對呢個餐價錢亦唔太吸引，出來全部炸，其實如果擇西式早餐應該點擇都係炸為主，但食物質素還算可以。因為只是吃早餐，其實都未能認真試出呢度既泰式食物質素如何，但以早餐來講，呢度真係十分抵食，可以一試。