元祖沾麵專門店

營業中

休息中

同朋友去尖沙咀行街，見到厚福街有間沾麵好多人排隊，朋友又鐘意食沾麵，就去試一試，拎左張點餐紙就企埋一邊等，等左20分鐘到就有位喇。見到隔離左右大部分都點極上芝士海膽沾麵，有一板海膽，芝士香味攻到去我個邊添。而我呢，就點左極上芝士蟹皇沾麵+飛魚子 $158，龍蝦湯底，或可選芝士海膽、魚介、赤蝦湯底。麵、湯同蟹皇分開上，個樣好豐富。個湯黎到既時間仲好滾，裡面有d肉粒，加埋個麵食，仲有溏心蛋、同幾片肉，湯夠晒熱，龍蝦湯好濃味。朋友就叫魚介沾麵 $69，魚湯都一樣好滾，好多氣泡，味道濃郁，不過我喜歡龍蝦多一點。另外叫左個元祖雙層芝士奶蓋，烏龍青茶 $28，青茶有些微甜度，清清地，解一解濃郁湯味。