影片
更多
2024-10-10
561 瀏覽
之前每次經過都見到呢間餐廳長期都係排緊隊嘅，上網睇都知道呢度所有嘢都好適合打卡，不論係餐廳裝修定係每一碟餸，甚至連每一杯嘢飲都係打卡勁靚，難怪成日排隊成日排隊。今日同咗一個朋友一齊食飯，佢一早就book咗呢間餐廳，食落啲嘢都幾好味！蒜香炒野菌炒得好好，冇諗過呢種餐廳都會炒出有鑊氣！真係食到好似泰國嘅街頭小食咁樣。泰式生蝦刺身係我每次去泰國餐廳都必點嘅item，呢到嘅生蝦都好大隻，又夠新鮮，好爽口。mains有好多都好吸引，不過最後我地要左泰北蟹肉金湯烏龍麵，本身我都已經好鍾意食燒肉麵，加埋泰北嘢食都係我好鍾情嘅，所以呢個配搭真係完全係為我而切，蟹肉夠新鮮，烏龍麵嘅口感剛剛好。馬莎曼牛臉頰配刈包係朋友話要叫嘅，因為我一般麻麻地刈包，不過呢個真係令我另眼相看，牛臉頰好tender好juicy，醬汁好正！
蒜香炒野菌炒得好好，冇諗過呢種餐廳都會炒出有鑊氣！真係食到好似泰國嘅街頭小食咁樣。泰式生蝦刺身係我每次去泰國餐廳都必點嘅item，呢到嘅生蝦都好大隻，又夠新鮮，好爽口。
mains有好多都好吸引，不過最後我地要左泰北蟹肉金湯烏龍麵，本身我都已經好鍾意食燒肉麵，加埋泰北嘢食都係我好鍾情嘅，所以呢個配搭真係完全係為我而切，蟹肉夠新鮮，烏龍麵嘅口感剛剛好。馬莎曼牛臉頰配刈包係朋友話要叫嘅，因為我一般麻麻地刈包，不過呢個真係令我另眼相看，牛臉頰好tender好juicy，醬汁好正！
張貼
