蝦麵店 (海光街) (已結業)

又一極力推介、去開太古坊搵朋友食飯、佢帶鰂魚涌地鐵站附近嘅蝦麵店、主打馬來西亞地道菜、雖然地方細細但非常乾淨🤗、記住間鋪喺後行比較難搵、行過經過都唔覺🙈. 我朋友一入去就叫咗個肉骨茶+炸魚皮, 個肉骨茶真係好重胡椒味, 藥材味不太重, 仲要用煲仔上超正👍🏻. 魚皮夠晒脆夠晒味👍🏻. 我就叫咗個檳城地道蝦肉肉片辣味蝦湯摻摻麵+馬拉雞拼盤、 個辣蝦湯底真係超濃郁蝦味、對我來講唔算太辣啱啱好,成碗湯都比我飲晒, 係我喺香港食過最好味嘅🤤, 下次一定要試埋佢嘅喇沙湯底、雞串燒同燒雞翼都非常出色, 雞肉嫩滑夠晒入味👍🏻, 加埋個滿花生碎嘅沙嗲汁, 真係想食多幾串, 最後加杯白咖啡夠晒完美嘅一餐😍